Assembleia de Mulheres do Condado

AMC deseja um 2012 lilás e feminista

2011-12-31T09:12:00.000-08:00

As mulheres feministas do Condado organizadas na AMC somos conscientes da ofensiva machista e patriarcal que acompanha a crise capitalista.

Também sabemos que somos nós, as mulheres, quem temos que dirigir a nossa luita emancipatória.

Agora que finaliza este ano desejamos que em 2012 incremente a auto-organizaçom das mulheres, a nossa capacidade reivindicativa e de luita e que logremos parar o machismo.

Um beijo para todas.

Matilde Vasques Ramalhal, quarta vítima galega do terrorismo machista

2011-12-13T05:00:00.000-08:00

Dezassete dias, só dezassete dias após 25 de novembro (Dia contra o terrorismo machista) temos que assistir a um novo assassinato de umha mulher na Galiza.

Matilde Vasques Ramalhal foi morta em Carral a maos do seu ex-companheiro sentimental, Lino Botana Farinha, segunda feira 12 de dezembro.

Como vem assinalamos no manifesto distribuido 25 de novembro "a casta política nom lhe interessa finalizar com esta lacra". Com a sobre exploraçom das mulheres o sistema patriarcal avança. Explica-se assim que dezassete dias após 25 de novembro com tantas campanhas de sensibilizaçom promovidas polas diferentes organizaçons feministas da Galiza e os meios de comunicaçom, tenhamos que lamentar a quarta vítima galega do terrorismo machista este ano 2011.

AMC quere solidarizar-se com a família e amizades de Matilde, e animar a todas as mulheres para que nom fiquem caladas. A auto-organizaçom feminista é a única maneira de finalizar com o machismo, por isso gritamos dezassete vezes e mais:

NENGUMHA AGRESSOM SEM RESPOSTA!

NENGUM AGRESSOR SEM CASTIGO!

Condado, 13 de dezembro de 2011

AMC denunciou terrorismo machista em Ponte Areias

2011-11-28T02:38:00.000-08:00

Ativistas da Assembleia de Mulheres do Condado (AMC) distribuírom centenares de manifestos em contra do terrorismo machista polas principais ruas do centro de Ponte Areias.

Sábado 26 de novembro AMC somou-se ao Dia internacional contra a violência machista denunciando umha das maiores lacras do patriarcado entre os centenares de pessoas que assistiam à tradicional feira.

O MACHISMO MATA

2011-11-18T05:28:00.000-08:00

Chega o 25 de novembro e as mulheres organizadas na Assembleia de Mulheres do Condado, saímos à rua. Fazémo-lo para denunciar o terrorismo machista, enquanto as autoridades de turno cenificam a sua política espetáculo com minutos de silêncio polas vítimas da “violência de género” como se nom tivessem responsabilidades nesses assassinatos.

Efetivamente que nom fôrom as maos executoras. Mas como parte do sistema patriarcal e da reproduçom da sua ideologia, -o machismo, nom estám ao margem das suas conseqüências. Existe um consenso social sobre esta lacra. Mas a quem mata, veja, insulta, oprime, degrada e um largo et cétera, é à maior parte da populaçom que somos as mulheres.

É hora de questionarmos coletivamente a denominaçom institucional do 25 de novembro como “Dia contra violência de género”, pois é umha formulaçom completamente errónea, já que o género é gramatical e sobre ele nom se pode exercer a violência.

A violência é sexista, é contra as mulheres, contra todas nós, desde a forma mais invisível que seriam os “piropos” pola rua, até os assassinatos.

As feministas do Condado sempre o tivemos claro. AMC desde o início denominou o 25 de novembro como “Dia contra o terrorismo machista”. Optamos por esta fórmula porque a realidade demonstra que o que se exerce sobre as mulheres é, sem lugar a dúvidas, terrorismo puro e duro. Há que chamar as cousas polo seu nome. Nom tem sentido empregarmos eufemismos nem maquilharmos a realidade.

Gloria Garcia, Cristina González e Sabrina C.C. som as três mulheres galegas assassinadas em 2011 polo terrorismo machista.

É hora de mudar, nom podemos seguir assumindo com “normalidade” este grau de opressom. Há que superar o medo e denunciar qualquer tipo de mao trato, desde o primeiro insulto até a violência física.

O feminismo é a garantia de umha sociedade livre e igualitária, superadora do patriarcado.

Condado, 25 de novembro de 2011

VIII Certame Literário Feminista do Condado fica deserto

2011-10-31T02:38:00.000-07:00

Sexta feira 28 de outubro tinha lugar a reuniom do júri para avaliar os trabalhos apresentados no VIII Certame Literário Feminista do Condado.

O júri configurado por Maria Xesús Suárez Nuñez (professora de secundária no IES Val do Tea de Ponte Areias), Ana Mariño Álvarez (professora do CEPI Infante Felipe de Salvaterra) e Ilduara Medranho Gonçales (em representaçom da Assembleia de Mulheres do Condado), após avaliar os diferentes trabalhos apresentados no VIII Certame Literário Feminista do Condado, acordárom declarar o prémio deserto.

Neste ocasiom consideram que nengum dos trabalhos apresentados atingem a qualidade necessária para conseguir o prémio de 300€.

AMC quer agradecer a todas as mulheres que participárom nesta ediçom do certame com um presente que recibirám na sua morada. Será enviado o livro “Mulheres entre poesia e luita” editado pola Assembleia de Mulheres do Condado em setembro deste ano.

Animamos a todas as mulheres a seguir participando nas vindouras ediçons do certame.

Ponte Areias 31 de outubro de 2011

Na rua contra o terrorismo machista

2011-10-17T05:47:00.000-07:00

Pouco antes do meio dia de sábado 15 de outubro ativistas da Assembleia de Mulheres do Condado repartimos centenares de panfletos denunciando o terrorismo machista.

Na rua Oriente de Ponte Areias instalamos umha cadeira vazia com um cartom onde se podia ler

"Nom estou na rua porque fum assassinada".

Deste jeito visibilizamos a nossa mais enérgica repulsa polo assassinato da viguesa Cristina González, segunda mulher morta na Galiza pola cara mais brutal da violência patriarcal.

Segunda mulher assassinada na Galiza polo Terrorismo Machista

2011-10-12T04:45:00.000-07:00

Terça feira 11 de outubro assistimos a mais umha expressom do terrorismo machista elevada a máxima potência.

Cristina González, vizinha do bairro vigués de Corujo, de 39 anos de idade, morreu assassinada polo seu marido Francisco Alvárez.

Nom podemos aguardar a que o sistema atue como deveria já que é beneficiário da atual situaçom de exploraçom de mais da metade da populaçom que somos as mulheres.

Assembleia de Mulheres do Condado sairá a rua a denunciar o segundo assassinato deste ano no nosso país. Apelamos às mulheres da comarca para que se unam a nós, já que só com a nossa força, a das mulheres organizadas, podemos fazer fronte ao machismo.

Já estamos fartas de sermos maltratadas, vejadas, humilhadas, assassinadas... precissamos umha resposta contundente, já que, como se tem demonstrado, as cifras do terrorismo machista nom deixam de crescer.

Sábado 15 de outubro, às 11.30 horas, estaremos na feira de Ponte Areias monstrando a nossa repulsa ao terrorismo machista.

Úne-te a nós.

NENGUMHA AGRESSOM SEM RESPOSTA,

NENGUM AGRESSOR SEM CASTIGO!!

AMC presente na XXV ediçom do Festival da Poesia do Condado

2011-09-07T04:54:00.000-07:00

Este ano a SCD decidiu dedicar às mulheres o tradicional festival poético-musical que leva realizando nas três últimas décadas em Salvaterra de Minho. Sem as mulheres nom há revoluçom foi a legenda sob a qual 2 e 3 de setembro centenares de pessoas participárom no conjunto de atividades programadas. AMC tivo umha destacável presença e protagonismo no evento.

Montamos a exposiçom itinerante do 8 de março, acrescentada com umha exposiçom anexa de cartazes dos 8 certames literários que vimos organizando desde a nossa a criaçom em 2003.

Apresentamos Mulheres entre poesia e luita, acompanhadas de Andrea Nunes, Belém Grandal, Cruz Martínez e Iolanda Aldrei, que recitárom parte dos poemas que escreverom para o livro. Cruz Martínez também recitou poemas de Rosanegra, outra das poetas que participam no poemário. Ao acabar o ato houvo umha firma coletiva dos livros vendidos.

Também participamos num debate com diversas organizaçons feministas: Rede Feminista Galega, Mulheres Nacionalistas Galegas e Marcha Mundial das Mulheres.

Para finalizar com a nossa presença no Festival aproveitamos a ocasiom que brinda a SCD para falar desde o cenário no espaço de "micro aberto", intercalado entre as atuaçons musicais

AMC edita livro de 22 vozes poéticas galegas

2011-08-30T02:29:00.000-07:00

Mulheres entre poesia e luita é o título do poemário editado pola AMC no que colaboram 22 poetas galegas.

O livro, tal como se recolhe no prólogo “pretende ser um berro unánime de denúncia das injustiças que nos causa o poder e domínio masculino convertendo-nos em entes inúteis, submissos e obedientes”. Umha “reivindicaçom de igualdade real de direitos, roubados e arrebatados pola forças da sem razom masculina.

O livro, que consta de 86 páginas, conta com poemas de Andrea Nunes Brions, Belém de Andrade, Belém Grandal, Concha Rousia, Cruz Martínez, Dores Tembrás, Elvira Ribeiro, Eva Veiga, Fátima, Iolanda Aldrei, Irene Veiga, Lucia Novas, Maria Nieves Soutelo, Margarita Ledo, Maria Reimondez, Marisa, Montse Varela, Rosa Enríquez, Rosa Martínez, Susana Sánchez, Valentina Carro e Yolanda Castaño, às que novamente a Assembleia de Mulheres do Condado volta agradecer a sua colaboraçom para ter logrado fazer realidade este poemário.

O livro vai ser apresentado na XXV ediçom do festival de Poesia do Condado vindouro sábado 3 de setembro às 12h nas Muralhas em Salvaterra de Minho.

VIII Certame Literário Feminista do Condado

2011-06-01T07:43:00.001-07:00

Mais um ano saímos a rua com o Certame literário, nesta ocasiom atinge a sua oitava ediçom. Publicamos a seguir as bases, nom sem antes animar-vos a todas a participar.

Bases:

1- A temática será livre sempre que esteja relacionada directa ou indirectamente com a situaçom de opressom, dominaçom e exploraçom que padecem as mulheres no actual sistema patriarcal.

2- Poderám participar todas as mulheres que o desejarem sem limites de idade.

3- Os trabalhos serám apresentados exclusivamente em língua galega.

4- Os trabalhos devem ser inéditos.

5- O certame está aberto a qualquer género literário (romance, poesia, teatro, ensaio).

6- Os trabalhos de romance, teatro e ensaio devem ter umha extensom mínima de 20.000 caracteres. Respeito à poesia devem ter um mínimo de seis poemas.

7- O júri é constituído por três mulheres representativas da comarca.

8- O prémio estará dotado com 300 euros, podendo o júri declará-lo deserto ou dividir a quantidade citada em accesits na sua totalidade ou em parte.

9- O prazo de apresentaçom de trabalhos finaliza sexta feira dia 30 de Setembro de 2011.

10- Os trabalhos serám apresentados por triplicado num envelope em que se fará constar na parte exterior o título e um pseudónimo da autora e, em envelope diferente, identificado com o título do trabalho e o seu pseudónimo, serám entregues os dados pessoais da autora: nome e apelidos, Bilhete de Identidade (BI), endereço, telefone de contacto.

Os envelopes serám enviados por correio certificado a Rua Ciclista Emilio Rodrigues nº 6 2ºC. C.P. 36.860 de Ponte Areias, a nome de Ilduara Medranho-AMC .

11- O trabalho ou trabalhos premiados ficarám em propriedade da Assembleia de Mulheres do Condado. Embora a autora ou autoras manterám os seus direitos sobre segundas ou posteriores ediçons de ser publicado o trabalho premiado.

12- Os trabalhos nom premiados ficarám a disposiçom das autoras durante um prazo de dous meses umha vez atribuído o prémio. Após finalizar este período de tempo, serám destruídos.

13- A interpretaçom das presentes bases som atribuiçom do júri.

14- A decisom do júri é inapelável.

15- A participaçom no prémio supóm a aceitaçom das suas bases

Terrorismo machista assassina jovem em Noia

2011-05-16T05:00:00.000-07:00

A primeira mulher assassinada polo terrorismo machista na Galiza é Glória Garcia Martins. Com tam só 19 anos foi morta em Noia polo seu ex-companheiro sexta-feira 13 de maio.

Como pode ser que estes factos tenham lugar entre a juventude? A resposta da-nos a razom às mulheres que levamos anos desmascarando a farsa das instituiçons que nos tentam convencer que a violência contra as mulheres está quase superada, e que os assassinos estám doentes, som alcólicos etc.

Neste caso evidencia-se que nom há avanços na educaçom da juventude, que os homens seguem acreditando na propriedade das mulheres. Glória tinha-se separado de Miguel Ervelha Vilarinho, e iso costou-lhe muito caro.

Há que seguir na luita, fica muito caminho por percorrer, as mulheres temos que auto-organizar-nos para acabar de umha vez por todas com as humillhaçons, vejaçons e assassinatos que o machismo produz.

Para a AMC fam-se necesárias mais que nunca as seguintes medidas:

-Cursos de autodefesa para as mulheres, especialmente para as adolescentes.

-Cumprimento de maneira estrita a aplicaçom das leis que regulam o tratamento nom sexista das mulheres nos meios de comunicaçom.

-Implementaçom de novas ferramentas pedagógicas para um ensino co-educativo.

Condado 16 de maio de 2011

AMC denuncia publicidade sexista

2011-04-19T03:47:00.000-07:00

Por mor da proliferaçom de propaganda sexista editada polas discotecas na nossa comarca, a Assembleia de Mulheres do Condado decidiu começar umha campanha de denúncia. Numha primeira fase enviamos umha carta que reproduzimos a seguir, a quatro conhecidas discotecas que invadem as ruas com os seus cartazes, sempre denigrando a imagem da mulher.

A carta é muito clara com as medidas a adoptar pola nossa parte.

Ao cuidado do(s) proprietário(s) da discoteca ..............:

A Assembleia de Mulheres do Condado dirige a você este escrito para informar do incumprimento das seguintes leis que tenhem a ver com a discriminaçom por razom de sexo que sofremos as mulheres enquanto a utilizaçom dos nossos corpos como reclamos publicitários para a assistência a ditos eventos ou espectáculos negando, através destes atos, a igualdade efectiva de direitos, que desenvolve a “lei orgánica 3/2007 de 22 de março para a igualdade efectiva de homens e mulheres”, agredindo com carácter vejatório a nossa dignidade.

Do mesmo jeito a “lei orgánica de medidas de protecçom integral contra a violência de género” do 22 de dezembro de 2004 incide no epígrafe referido à publicidade, na igualdade e respeito aos direitos da mulher considerando ilícita associaçom do corpo feminino com um produto. Associaçons e instituiçons poderám solicitar a retirada de qualquer anúncio se assim o acharem oportuno.

Assim mesmo na “lei 34/1988 geral de publicidade” de 11 de novembro modificada por “lei 39/2002” sobre a ilicitude da publicidade que atente contra a dignidade da pessoa ou vulnere os valores e direitos reconhecidos na Constituiçom referidos à mulher.

Por todos estes motivos expostos exigimos que cesse de vez, qualquer um tipo de publicidade que atente contra a igualdade de direitos de todas as pessoas ao margem de sexos ou géneros e deixe de se explorar umha imagem degradante e cousificada da mulher, em que esta é neutralizada como pessoa em troco de se tornar em um objecto.

Aguardamos que sejam tidas em conta ditas recomendaçons ou veremo-nos na obriga de tomar medidas oportunas e contundentes para que estes graves e lamentáveis factos nom continuem

Sem mais, receba um cordial saúdo da Assembleia de Mulheres do Condado.

Ponte Areias 14 de abril de 2011

PALESTRA 8 DE MARÇO NO IES VAL DO TEA.

2011-03-18T03:42:00.001-07:00

Quinta feira 10 de março, a Assembleia de Mulheres do Condado impartilhou umha palestra no IES Val do Tea com motivo do Día Internacional da Mulher Trabalhadora. Fôrom novamente os grupos de 3º e 4º da E.S.O os que assistirom..

Como já comunicamos com anterioridade a estrutura da palestra foi dividida em tres blocos:

Origens do 8 de março e vigência da sua reinvindicaçom.

Comprender o conceito de trabalho e a diferença entre trabalho produtivo e reprodutivo.

Denuncia da dupla e triple jornada laboral e as consequências físicas e psiquicas para as mulheres que a exercem.

Consideramos importante acompanhar todos estes conceitos com atividades muito dinámicas e pedagógicas. Mediante um inquérito grupal e a mao alçada visibilizamos a divisom sexual do trabalho nos núcleos familiares do alunado, favorescendo assim a participaçom da aula.

Com a ténica do “role playing” levamos a cabo duas entrevistas laborais a umha moça e um moço. De esta maneira eles puiderom sentir como somos interrogadas nas seleiçons de pessoal em base as nossas vidas privadas, modelos de convivências e relaçons afectivas a causa do fantasma da maternidade que segue a ser tratado como um dos maiores atrancos no reconhecimento e direito ao trabalho assalariado.

Para finalizar agradescer a colaboraçom e participaçom do alunado e profesorado que com as suas intervençons puiderom fazer de esta palestra um encontro muito mais rico e positivo.

Visibilizando o trabalho reprodutivo

2011-03-15T13:05:00.000-07:00

Sábado 12 de março a rua de Oriente de Ponte Areias foi o cenário no que a Assembleia de Mulheres do Condado visibilizamos o trabalho doméstico e reprodutivo por meio do teatro de rua. De esta maneira denunciamos também como o capitalismo, apoiando-se em um modelo cultural machista proporcionado polo patriarcado, silência, legitima e extrai benefício económico da exploraçom familiar a que estam submetidas a maioria das mulheres (trabalhadoras, imigrantes, pobres…) polo simples facto de sê-lo.

Da Assembleia de Mulheres do Condado valorizamos esta atividade como muito positiva em base às simpatias geradas entre as mulheres que presenciárom o ato. Fôrom muitos os agradescimentos recibidos por monstrar e dar voz ao malestar vivido os 365 dias do ano e a falta de reconhecimento do seu trabalho.

Ato 8 de março

2011-03-09T08:32:00.000-08:00

Sábado 12 às 12h estaremos na rua Oriente de Ponte Areias para levar a cabo umha actividade, visibiliza com nós o trabalho reprodutivo e a importância do seu reconhecimento. Por umhas prontas transformaçons e soluçons ante a escravitude legitimada polo Patriarcado que sofremos a maioria das mulheres. Só precissas trazer qualquer ferramenta de trabalho doméstico; vassouras, tarteiras, ferros...

Participa!!

A AMC vai realizar várias palestras polo 8 de março

2011-02-23T12:23:00.000-08:00

Coincidindo com o Dia Internacional da Mulher Trabalhadora, a Assembleia de Mulheres do Condado, vai visitar o IES Val do Tea de Ponte Areias para realizar duas palestras. Éstas versarám, entre outras cousas, sobre as origens de 8 de março e a necesidade da súa celebraçom, as causas da invisibilizaçom do trabalho reprodutivo, da divisom sexual do trabalho e da dupla jornada e as consecuências que sôfrem todas as mulheres, mas especialmente, as da classe trabalhadora.

Pontos de venda do Cd Orgulho de Sermos Mulheres

2011-01-28T02:49:00.000-08:00

Nos seguintes locais podes conseguir o cd editado pola AMC

Compostela: As Duas e Tarasca

Corunha: CS Gomes Gaioso

Ponte Areias: A Regueifa

Salvaterra: Vagalume

Vigo: CS Lume

Também podes contactar a través do correio da AMC amcondado@hotmail.com.

O preço de venda é de 10 €.

Editado Volume II do CD Orgulho de sermos mulheres

2011-01-12T04:40:00.000-08:00

“A música é totalmente nociva para a modéstia que corresponte ao sexo feminino, porque se distraem das funçons e ocupaçons que lhe correspondem. Sob nengum pretexto devem aprender música ou tocar nengum instrumento músical”.

Édito do Papa Inocêncio IX. 1686.

Depois destas palavras, podemos ententer porque nomes de compositoras como Hildegard de Bingen, Francesca Caccini, Nannel Mozart ou Maria Teresa Von Paradis entre muitas outras, som praticamente desconhecidas por nós.

Tal como no trabalho, na ciência, na filosofía ou na literatura, também na música fomos silenciadas e ocultadas polo androcentrismo presente na construçom da denominada História Universal. As capacidades intelectuais e artísticas das nossas predecessoras musicais fôrom negadas e desprezadas pola misoginia dos cánons culturais.

De AMC prentendemos contribuir para a visibilizaçom das mulheres em todos os ámbitos da vida privada e pública. Sabemos que a música é umha das ferramentas que possuímos para nos fazermos ouvir. No nosso idioma e também em outros, diferentes vozes seguem berrando, com doçura e raiva, o direito a vivermos como nós quigermos viver, sem termos que dar nem um passo atrás nas pequenas conquistas atingidas.

Dezembro 2010

Desejos para o 2011

2010-12-31T12:10:00.000-08:00

A Assembleia de Mulheres do Condado deseja as suas leitoras, e a todas as mulheres, um ano 2011 cheio de exitosas luitas feministas para a superaçom do patriarcado.

Entrevista

2010-12-31T04:47:00.000-08:00

A seguir publicamos a última entrevista da AMC polo 8 de Março.

SOFIA

- Quanto tempo levas trabalhando?

As cousas para atopar trabalho difíceis... mas tenho que reconhecer que no meu sector van-se atopando cousinhas... quase sempre som contratos curtos, às vezes incluso de horas... agora levo 4 dias em esta empresa.

- Como som as tuas condiçons laborais?

Moi boas, porque em geral os tipos de contratos e condiçons laborais em este sector nom som muito bons.

- Achas que este tipo de contratos facilitam a emancipaçom e sobrevivència das mulheres jovens de forma autónoma?

Sim... com contratos de longa duraçom... a verdade e que o que me gustaria é poder viver disto, por isso quero ser possitiva...

- Este é um sector altamente feminizado, é mais facil atopar trabalho por ser mulher?

Sim, no meu caso actual todas as trabalhadoras somos mulheres. É um sector feminizado quase por completo, ademais de estar de actualidade, polo que acho que sim...

- Poderiamos definir-te como co-educadora, achas que na actualidade nenas e nenos recebem os mesmos valores sociais, culturais, etc?

Quero pensar que sim... mas é evidente que existem difereças nos comportamentos entre nenas e nenos.

- Com o jovem que eres e um horario de 4h poderias seguir formándote, é facil?

Nom muito... há muita gente que quere fazer cursos e poucas praças, mas sobre todo é um problema económico, normalmente se custo é elevado.

- Algumha vez sentis-te algum tipo de discriminaçom no teu posto de trabalho?

Nom, nunca. Mas como dixem com anterioridade trabalho únicamente com mulheres.

- Fala um pouco sobre o teu trabalho e actividades.

Trabalho como monitora de tempo livre, fago todo tipo de actividades com crianças, talheres de reciclagem, de natureza, rutas, actividades de campo, etc...

"POR UM USO NOM SEXISTA DOS BRINQUEDOS"

2010-12-24T07:10:00.000-08:00

Mais um ano, a Assembleia de Mulheres do Condado sai à rua para denunciar a utilizaçom e manipulaçom das crianças por meio da publicidade e venda de brinquedos que, na sua maioria, agochados tras cores supostamente inofensivas, reproduzem a injusta divisom sexual do trabalho e o heterossexismo.

O jogo mostra-se como umha actividade simbólica expressiva, como um mecanismo de socializaçom e como um proceso de comunicaçom. As capacidades intelectuais, psíquicas, emocionais e motoras das crianças desenvolvem-se de maneira mais optima por meio do jogo e dos instrumentos precisos para o pôr em prática: os brinquedos.

Mas segundo a publicidade de brinquedos, as nenas divertem-se penteando-se e mudando de roupa quatro vezes por dia. A estética, a moda e a maquilhagem ocupam umha grande parte dos brinquedos oferecidos, junto com a nena mae e cuidadora, predizendo assim um destino quase inevitável.

Ao contrário, os nenos, além dos típicos carros e bonecos de brigar e material bélico, som os protagonistas dos anúncios de brinquedos de desenvolvimento intelectual e cognitivo. As suas actividades estám ambientadas, em muitos casos, no exterior da casa, enquanto os das nenas brincam dentro do seu lar.

Mantenhem-se assim as opressoras dicotomias de género entre os roles sociais a desempenhar por homens e mulheres, os espaços a ocupar entre o público e o privado, e a eterna mediçom de forças entre os repressentantes das guerras e as donas da casa. Estas fendas ideológicas incidem gravemente nos procesos de elaboraçom das identidades que experimentam nenas e nenos, perpetuando assim as diferenças por razom de género; diferenças nas quais as nenas som formadas como seres passivos, indefensos e dependentes dos homens.

De Assembleia de Mulheres do Condado fazemos um apelo para umha conciência crítica frente ao consumo e à utilizaçom sexista-bélica dos jogos e brinquedos. Nom podemos tolerar que as ferramentas lúdicas da educaçom estejam carregadas de estereótipos, definindo o papel social a desempenhar polas crianças no futuro.

Entrega prémio

2010-12-20T13:46:00.001-08:00

Esta passada Sexta-feira 17 tivo lugar na livraria Milfolhas em Ponte Areias a entrega do prémio do VII Certame Literário Feminista do Condado.

Maria Rosendo recitou seu poema, ganhador desta ediçom, intitulado Dodra e dous mais da sua autoria.

Além do prémio, quixemos presentear á ganhadora, ao igual que ao juri, Ana Marinho e Chus Suarez, com um CD elaborado pola nossa Assembleia: Orgulho de Sermos Mulheres Volume II, um CD duplo com Vozes da Galiza e Vozes do Mundo.

Assembleia de Mulheres do Condado deu palestra no IES Val do Tea

2010-12-07T11:04:00.001-08:00

Quinta feira 2 de Dezembro a AMC foi dar umha palestra no IES Val do Tea de Ponte Areias sobre a violência machista.

Polo seu interesse reproduzimos os resultados do inquérito realizado entre @s 88 estudantes assistentes (jovens de 4º e 3º de ESO) que constou de cinco perguntas.

-Machismo e Feminismo. Som a mesma cousa?

Moças 3º: 89% acha que nom.

Moças 4º: 95% acha que nom.

Moços 3º: 90% acha que nom.

Moços 4º: 81% acha que nom.

-Consideras que os ciumes som umha demostraçom de amor?

Moças 3º: 55% acha que sim.

Moças 4º: 10% acha que sim.

Moços 3º: 5% acha que sim.

Moços 4º: 29% acha que sim.

-Culpa, abuso emocional, isolamento, controlo. Consideras que estas atitudes som identificativas de umha relaçom violenta?

Moças 3º: 100 % acha que sim.

Moças 4º: 81% acha que sim.

Moços 3º: 95% acha que sim .

Moços 4º: 85% acha que sim.

-Se umha mulher é maltratada continuamente, a culpa é sua por nom separar-se?

Moças 3º: 28% acha que sim.

Moças 4º: 23% acha que sim.

Moços 3º: 40% acha que sim .

Moços 4º: 32% acha que sim.

-Os homens maltratadores fam-no porque tenhem problemas com o alcool, com as drogas ou porque estam loucos?

Moças 3º: 58% acha que sim.

Moças 4º: 34% acha que sim.

Moços 3º: 52% acha que sim .

Moços 4º: 60% acha que sim.

Perante o grau de conhecimento do nosso colectivo feminista constatamos que 17% do estudantado presente conhecia a existência da AMC.

Maria Rosendo Priego ganha VII Certame Literário Feminista do Condado

2010-12-01T04:05:00.000-08:00

O júri, composto por Mª Xesus Suárez Nuñez (professora de secundária no IES Val do Tea de Ponte Areias), Ana Mariño Álvarez (professora do CEPI Infante Felipe de Salvaterra) e Ilduara Medranho Gonçales (em representaçom da Assembleia de Mulheres do Condado ), após avaliar os diferentes trabalhos apresentados no VII Certame Literário Feminista do Condado, acordam dar um accesit de 150€ ao trabalho intitulado “Dodra” de Maria Rosendo Priego, de Compostela.

A entrega do prémio terá lugar na Livraria Milfollas de Ponte Areias o dia 17 de Dezembro às 18h.

Mais um ano queremos agradecer a todas as mulheres participantes de este certame e animamos-vos a seguir participando nos vindouros.

AMC denúncia na rua terrorismo machista

2010-11-29T04:34:00.000-08:00

Sábado 27 de Novembro tivo lugar diante da Cámara Municipal de Ponte Areias umha acçom simbólica de denúncia enquadrada no “Dia contra a violência machista”.

Quatro activistas da Assembleia de Mulheres do Condado deitarom-se no chao para pintar as suas siluetas. Seguidamente fôrom identificadas com o nome das quatro mulheres galegas assassinadas polo terrorismo machista este ano: E.D..A., Monserrat Labrada, Maria Rosa de la Hoz e Isabel Solha.

Posteriormente deu-se leitura ao manifesto com berros de “Nengumha agressom sem resposta, nengum agressor sem castigo”.

Para finalizar a companheira Belém Grandal recitou dous poemas da sua autoria intitulados “Soltar Lastro” e Furacám Marinho” que reproduzimos a seguir.

SOLTAR LASTRO

Arrastam as nuvens a espessura do dia

e no teu corpo meu alento expande

o silêncio

Abrolha clara e morna a luz do amencer

quentando o suor ainda nom esvaido

do êxtase

Mexem-se os corpos ao ritmo do pranto

da criança no berço, sem colo ao que asir

o sono perdido

e os últimos laios de prazer espalham as

húmidas fragrâncias dos teus beiços

na minha pele

O dia muda o rumo dos factos consumados

e dos desejos incumpridos sentindo ferido

teu orgulho doente

Derramam as bágoas minhas esperanças

enquanto na tua mirada assoma de novo

um ar gélido,

mas o virus do teu ego enaltecido

nom atingiu a minha dignidade de mulher

erguida e com coragem

Colivim com o muro da tua incomprensom

exigindo o espaço que me protegia

da tua arrogância

Nom som um reclamo como canto de sereia

atraindo aos navigantes para afundir o seu

destino

Som companheira na viagem da vida, nom

inimiga dos caminhantes na procura do trajecto

cara a felicidade.

Nom quero tua compaixom, mas sim a devolta

da minha plena existência, ainda hoje ferida

e danada

Já nom hei permitir minha encuberta, som visíbel,

unindo as minhas forças com o resto

da humanidade

Som eu, dando fôlegos, alumeando

um novo dia, soltando teu lastro

Som ascuas derretendo as cadeias que

me atavam ao teu universo masculino.

Eu, sem complementos, eu completa,

eu definida, eu só, eu mulher, eu pessoa,

eu a pensar, eu a decidir, eu a fazer,

eu a comprender,

eu a compartilhar, eu a…

Eu…

E tu quém es? Queres compartilhar?

FURACAM MARINHO

Barca em que navego desorientada

Sinto mareios com o seu embalar agitado

nas augas bravas

encoleriçadas, de remuinhos

pretos e abissais.

Os remos nom me pertencem

nom os dou topado para vencer

o furacam de auga que já me afoga

Abraça minha cara com força

incoerente e abatidora.

De súpeto lança-me

em todas direcçons

Surgem das profundidades

ondas gigantes coma tsunamis

Sua negrura abrumadora

produz-me terror mas também

ansias e raiva para poder

destruir sua enorme potência,

imensa e devoradora do meu ser

ferido, mas íntegro.

Aquí estou, só, e no isolamento

luito contra a besta cruel

que deseja possuir-me.

Contra este poder egoista

e aniquilador:

Nas noites de lua crescente

com envolvente circo. Parece que

muda o tempo e me disponho...

Ou as de lua cheia onde crio

feitiços para acabar com

a maldade da natureza...

Na saudade dos dias a passar

lentos, espessos e opacos.

Nas primaveras que ainda

sinto longe...

Nos invernos perpétuos

que me acompanham

a cada momento.

Nas horas polas que o tempo

nom passa e som acedas.

Na extensom do meu quarto

de salvaçom, onde fico isolada

desafogo e reuno forças.

Qual é a causa de quereres

submeter-me a inconsciência

fóbica dum furacám marinho?

Qual é o motivo desse ímpeto

desmesurado de apoderares-te

da minha vida?

Qué farás após me destruires pola

força dos teus desastres psico-naturais?

Achas que teu trunfo será exemplo

para manter em pé outros furacáns

assoladores e catastróficos?

E depois qué...O teu trunfo há ser

a desgraça dumha parte essencial

da Humanidade, e tu, já

nom serás mais que o engendro

da morte.

25 de Novembro: Dia contra o terrorismo machista

2010-11-25T08:51:00.000-08:00

Desde há várias décadas o feminismo galego emprega também o 25 de Novembro, “Día contra o terrorismo machista como umha data de luita e reinvindicaçom ,na que visibilizar a nosso trabalho continuo contra um sistema que ,em cumplicidade com governos e igreja católica , perpetuam a opressom, exploraçom e dominaçom das mulheres.

Todos os dias centos de mulheres na Galiza sôfremos diversas formas de violência machista, tanto a maos de nosso par como de vizinhos , familiares ou chefes. Junto a esta realidade, nom devemos esquecer a violência própria do actual modelo económico que nos utiliza como objectos de praçer e consumo.

Som já quatro as mulheres galegas assassinadas este ano polo terrorismo machista, E.D.A., Monserrat Labrada, Maria Rosa de la Hoz e Isabel Solha que já nom estám connosco porque fôrom mortas polo terrorismo patriarcal.

Estamos já fartas de que as soluçons tenham que ser: telefone de ajuda à mulher, laços lilás nas solapas de políticos ou apelos a denunciar perante a polícia, denuncias que na sua maioria ficam coleccionadas nas gavetas da mesma Guardia Civil que trafica com mulheres.

Neste 25 de Novembro de 2010 voltamos a reclamar, como em anos anteriores, as medidas urgentes de:

-Fazer públicas as denúncias de todos os maos tratos, sem termos que esperar que sejamos assassinadas para sair na TV e nos jornais.

-Cumprir de maneira estrita a aplicaçom das leis que regulam o tratamento nom sexista das mulheres nos meios de comunicaçom.

-Incrementar as casas de acolhida unifamiliares fronte ao modelo macro-residencial atual.

-Ampriar e melhorar os serviços jurídicos e de assessoramento gratuítos formados por mulheres.

-Implementar novas ferramentas pedagógicas para um ensino co-educativo.

Desde a AMC continuamos coa nossa reinvindicaçom e defessa da autoorganizaçom feminista, como única saída em esta nossa luita contra do atual sistema patriarcal, que persegue e pretende a nossa submissom inferiorizandonos, insultandonos, violandonos, até nos matar.

CONTRA O TERRORISMO MACHISTA,

AUTOORGANIZAÇOM FEMINISTA!!

Condado, 25 de Novembro de 2010

Mais umha mulher assassinada?

2010-11-19T07:36:00.000-08:00

A resposta é sim, que fosse ou nom o seu próprio dedo o executor nom exclui ter sido a quarta vítima do terrorismo machista na Galiza este ano 2010. Dizemos isto porque se Isabel Solha, vizinha de Gondomar, foi quem fijo o disparo que rematou com a sua vida nom foi para suicidar-se, foi para acabar com o que probavelmente nom podia seguir vivindo, a sua opressom.

Dizem que vivia aterrada já que pressumívelmente era vítima de maos tratos por parte do seu companheiro Borja Rial, fosse ou nom o que disparou, ele tem evidentes responsabilidades da sua morte em primeira instância e as instituçons, o sistema judicial etc, também som culpáveis. Por quê?

Porquê segue sem haver avanços na protecçom das mulheres que denunciam as agressons, porque muitas mulheres nom denunciam por temor às repressálias e porquê nom se sintem protegidas polo sistema, porquê seguimos morrendo, porquê somos humilhadas, vejadas, etc

De AMC queremos demonstrar o nosso apoio às mulheres, e sem auto-organizaçom nom é possível um avanço na nossa luita para acabar com a dominaçom dos homens sobre nós, e com o sistema patriarcal que nos marginaliza e oprime.

Nom queremos seguir sendo vítimas!!!

Exposiçom entrevistas

2010-09-21T02:47:00.000-07:00

Após o paro estival volta estar na rua a exposiçom da AMC com motivo do Dia Internacional da Mulher Trabalhadora. Podedes atopa-la na sala de exposiçons do Concelho de Mondariz Balneário desde Segunda feira 20 até Quinta feira 30 de Setembro.

Reproduzimos a seguiir mais umha das entrevistas:

CARMEN

– Trabalhaste com anterioridade de forma remunerada?

Trabalhei. Comecei a trabalhar quando estudava numha tenda de roupa num mercado de Barcelona. Depois estivem quatro anos como telefonista sem nengum tipo de contrato regular, entre 6 e 7 anos numha fábrica têxtil e também fum autónoma com umha pequena tenda em Salvaterra.

- Consideras que poderias desempenhar de igual modo este trabalho se também trabalhasses fora?
Quando fiquei grávida dim-me de conta do difícil que seria poder trabalhar fora, na casa e criar a minha filha. Nesse mesmo momento também estava estudando cabeleiraria, estudos que conjuntamente com o trabalho deixei para poder dedicar-me como queria ao cuidado da minha casa e filha, foi umha decisom tomada por mim, mas com apoio sempre do meu companheiro.

- Se tiveras elegido seguir trabalhando fora, achas que poderia ter sido igual?
Nom. Nesses momentos pesou mais a decisom de criar a minha filha. O sistema de infantários públicos estava pior do que hoje em dia, sim é certo que poderia tê-la deixado com umha vizinha que se ofertou, mas apesar de todo nom me pesa ter elegido essa opçom. Estou mui orgulhosa.

- Quando decidiste deixar o trabalho remunerado que diferenças sentiste?
Nesse momento foi umha mudança positiva por todo o relacionado com a nena. Mas também é certo que quando trabalhar fora da casa mantenhem-se outro tipo de relaçons...

- E agora?
Claramente preferiria trabalhar fora da casa, desde há anos. Mas a realidade é que nom existem praticamente possibilidades. A situaçom actual, vê-se agravada polo facto de ser mulher e pola minha idade. Hoje, ao igual que há anos nom existe a possibilidade de poder combinar o trabalho doméstico com o de fora e com o cuidado das crianças…

- Quantas horas dedicas diariamente ao teu trabalho?
Na actualidade, com as nenas já adultas o trabalho baixou muito e é mais aborrecido. Mas fazendo um cálculo... toda a manhá, e também de tarde... acho que umha média de 7/8 horas diárias.

Achas que deveria ser um trabalho assalariado?
Por suposto. Fazemos um trabalho social, somos economistas, cozinheiras, criadoras, limpadoras, médicas, etc. Se a mulher nom trabalha na casa e nos cuidados de maiores e crianças ( nom falemos se a isto lhe sumamos as netas e netos) teria que ser o estado quem invertesse o dinheiro em centros, coidadores, etc. Somando que facilitamos o descanso de filhas/os e companheiros.... A minha família é como umha empresa, que tem que funcionar e eu encarrego-me disso.
Também quero acrescentar que com a importáncia que tem o nosso serviço para o estado, deveria ser recompensado e reconhecido, o nosso trabalho deveria estar considerado polo menos com um cômputo de anos trabalhados e o direito a umha pensom de reforma.

- Definirias-te entom como o motor de teu núcleo familiar?

Nom... sim... nom gostaria de defini-lo assim... porque todas e todos colaboramos para que todo funcione bem… mas suponho que fazendo umha análise eu fum a encarregada da educaçom das minhas filhas, das necessidades básicas alimentares, sanitárias etc. Acho que sim, que sou umha espécie de motor.

Terceira mulher assassinada na Galiza

2010-09-18T08:51:00.000-07:00

Há poucos dias saímos à rua a denunciar o assassinato de Monserrat Labrada Campos, hoje tivemos que sair mais umha vez já que o dia 15 de Setembro foi brutalmente assassinada a martelaços polo seu ex-companheiro, Júlio Fernández, de 56 anos Maria Rosa de la Hoz Rodríguez, de 34 anos residente de Pontecesso.

AMC volta condenar o terrorismo machista com o reparto de vários centos de panfletos na feira de Ponte Areias.

Nengum agressor sem castigo!!

FICAM QUINZE DIAS

2010-09-15T14:58:00.000-07:00

Ficam quinze dias para que remate o praço de apressentaçom de trabalhos do VII Certame Literário Feminista do Condado a seguir reproduzimos novamente as bases, animádevos a participar estamos-vos aguardando:

1- A temática será livre sempre que esteja relacionada directa ou indirectamente com a situaçom de opressom, dominaçom e exploraçom que padecem as mulheres no actual sistema patriarcal.

2- Poderám participar todas as mulheres que o desejarem sem limites de idade.

3- Os trabalhos serám apresentados exclusivamente em língua galega.

4- O certame está aberto a qualquer género literário (romance, poesia, teatro, ensaio).

5- O júri é constituído por três mulheres representativas da comarca.

6- O prémio estará dotado com 300 euros, podendo o júri declará-lo deserto ou dividir a quantidade citada em accesits na sua totalidade ou em parte.

7- O prazo de apresentaçom de trabalhos finaliza quinta feira dia 30 de Setembro de 2010.

8- Os trabalhos serám apresentados por triplicado num envelope em que se fará constar na parte exterior o título e um pseudónimo da autora e, em envelope diferente, identificado com o título do trabalho e o seu pseudónimo, serám entregues os dados pessoais da autora: nome e apelidos, Bilhete de Identidade (BI), endereço, telefone de contacto.Os envelopes serám enviados por correio certificado a Rua Ciclista Emilio Rgues nº6 2ºC C.P. 36860 de Ponte Areias, a nome da AMC.

9- O trabalho ou trabalhos premiados ficarám em propriedade da Assembleia de Mulheres do Condado. Embora a autora ou autoras manterám os seus direitos sobre segundas ou posteriores ediçons de ser publicado o trabalho premiado.

10- Os trabalhos nom premiados ficarám a disposiçom das autoras durante um prazo de dous meses umha vez atribuído o prémio. Após finalizar este período de tempo, serám destruídos.

11- A interpretaçom das presentes bases som atribuiçom do júri.

12- A decisom do júri é inapelável.

13- A participaçom no prémio supóm a aceitaçom das suas bases.

PAREMOS O TERRORISMO MACHISTA

2010-09-08T12:15:00.000-07:00

Mais umha vez temos que lamentar o assassinato de umha mulher vítima do terrorismo machista Monserrat Labrada Campos de 43 anos é a primeira vítima mortal da Galiza no ano 2010 foi assassinada em Lugo polo seu companheiro na madrugada do 26 de Agosto.
Por esse motivo a Assembleia de Mulheres do Condado o Sábado 4 de Setembro, aproveitando que em Ponte Areias havia a IV Feira Tradicional dos Remedios, saímos a rua para denuncialo.

NENGUMHA AGRESSOM SEM RESPOSTA!!

NENGUM AGRESSOR SEM CASTIGO!!

Salvaterra denúncia agressom sexual

2010-08-27T08:03:00.000-07:00

Sexta feira 13 de Agosto às 20 h tivo lugar em Salvaterra umha concentraçom de repulsa a agressom sexual ocorrida dias atrás no festival da mesma vila chamado "O Son da muralla".

Várias dúzias de vizinhas e vizinhos respaldárom a convocatória promovida pola AMC realizada diante da Casa do Concelho.

Reproduzimos a seguir o manifesto elaborado e distribuido para denunciar a agressom machista.

Desde a Assembleia de Mulheres do Condado queremos denunciar o acontecido este passado Sábado no "Son da Muralla", festa organizada polo Concelho de Salvaterra de Minho calificada polo alcaide Arturo Grandal de "festa sana para a juventude". A festa em questom era este ano abertamente sexista, publicitando por exemplo à única mulher DJ assistente pola sua actuaçom em top-less.

Numha noite de numerosas pelexas, roubos, destroços de material público e privado, tivo lugar umha agressom sexual que queremos denunciar e fazer pública.

A pouca informaçom da que disponhemos responde e evidência umha outra vez a importáncia que nesta sociedade tenhem os nossos direitos. Umha sociedade patriarcal e machista que tapa e cala todo tipo de agressons que as mulheres padecemos dia a dia.

É assim que os dados dos que diponhemos e nom podemos verificar na sua totalidade som:

- A jovem tem 17 anos e mora em Salvaterra.
- O agressor era moreno, alto e com um piercing na celha.
- A mulher presentou a primeira denúncia no recinto das muralhas essa mesma madrugada a umha patrulha da guardia civil alí pressente.
- No Domingo apressentou denúncia oficial no quartel da GC.

Umha realidade silenciada por parte do Concelho de Salvaterra, que semelha intentar ocultar, polo que se forom convertindo este tipo de actos. É assim que após ver-se presionados a fazer públicas algumha declaraçons estas estam centradas em que havia segurança suficiente ( quando a realidade e que tanto ambuláncia como seguridade privada marcharom do recinto sobre as 6h, antes de que rematara o festival, e os factos acontecerom perto das 8h), ou que a agressom ocorreu na ribeira do rio polo que nom tenhem nengumha responsabilidade.

Com esta nota pretendemos informar e pressionar para que isto nom fique na sombra para assim favorezer interesses económicos tanto públicos e privados.

Chamamos a todas as mulheres da Comarca a contactar com a AMC para continuar com a necessária auto-organizaçom das mulheres para tomar consciência e conciência da crua realidade à qual nos submete o patriarcado e combater juntas para evitar as terríveis consecuências.

NENGUMHA AGRESSOM SEM RESPOSTA!!
NENGUM AGRESSOR SEM CASTIGO!!

Salvaterra 9 de Agosto de 2010

AMC com o desporto de base feminino

2010-07-14T02:23:00.000-07:00

A passada fim de semana voltava a celebrar-se em Salvaterra de Minho o Torneio de Fútebol 24h, umha iniciativa lançada por um grupo de moças e moços do Condado. As e aos quais queremos parabenizar por todo o trabalho desenvolvido ano após ano, apostando polo desporto galego.

A sua evoluiçom cara o respecto, toleráncia e igualdade entre sexos levou a que já na ediçom passada da Assembleia de Mulheres do Condado quigéramos achegar o nosso grao de areia, entregando um trofeio.

É assim que umha companheira fijo entrega a equipa de mulheres ganhadora deste ano 2010. Umha ediçom em que o incremento de equipas de mulheres voltou aumentar, sendo o Torneio da zona com maior número de participantes femininas.

Porque as mulheres devemos seguir reivindicando o nosso espaço social e sobre um desporto tam patriarcal como é o fútebol ainda muito mais.

Entrevista Elena

2010-07-05T08:20:00.000-07:00

- Quantos anos levas trabalhando ? Sempre no mesmo sector ?
Nom . Levo trabalhando 42 anos. Comecei trabalhar como empregada do fogar e cuidadora em umha casa de Ponte Areias, desde os 13 até os 24 anos. Depois , quando casei, colhemos o restaurante – bar da família de meu marido- no que trabalhei 10 anos. Ao ano seguinte de fechar entrei a trabalhar na secçom de charcutaria no primeiro supermercado que abrírom em Ponte Areias, 1988 e no que ainda trabalho.

-Algumha vez sentiste algum tipo de descriminaçom nos teus postos de trabalho?
Realmente nunca me sentim discriminada de maneira directa já que , ou trabalhei eu sola em ambientes familiares ou , como é na actualidade , trabalho em espaços muito feminizados.
Mas tenho que reconhecer que os homens som mais respeitados no seu trabalho e que seguramente se os supermercados foram mais masculinos , cobraríamos mais e o nosso trabalho estaria mais valorado.

- No teu sector de trabalho actual sodes umha grande maioria de mulheres, que tal o ambiente de trabalho?
Pois... regular. Existem diferenças de idades muito grandes e quiças isso é o que provoca maneiras distintas de ver o trabalho.

- Qual é a tua relaçom e visom dos sindicatos ?
Eu nom estou afiliada a nengum, mas acho que som muito necessários, de facto as melhoras conquistadas ao longo de estes anos fôrom graças às pressons exercidas por estes.

Que horário tés no teu trabalho?
Quando comecei nom tínhamos um horário fixo . Trabalhávamos entre 12 e 14 horas sem dias de descanso. Hoje em dia trabalhamos 9 horas e já temos os descansos que nos correspondem por convénio.

- Como repartes o tempo para dedicar-te a ti e as tuas necessidades ?
Pois ... trabalhando ainda mais . Para poder ter tempo para mim , ao chegar de trabalhar fora da casa, trabalho dentro e assim podo deixar todo organizado para o dia seguinte . Quando quero adicar-me a mim pois tenho que erguer-me antes e aproveitar essas horas antes de entrar a trabalhar. O tempo há que organiza-lo ao milímetro.

- Trabalhadora e mae separada . Como e quantas dificuldades encontraste no caminho?
Buff... Fôrom muitas . Quando me separei tinha que erguer as crianças, de 9 e 4 anos às 7 da manhá para leva-los comigo ao trabalho até entrar no colégio. Tivem que perder-me muitas cousas dos anos mais bonitos, como as actuaçons do colégio , os aniversários ... eu tinha que trabalhar.
Mas tenho que reconhecer que a solidariedade entre mulheres foi o que me ajudou a tirar para adiante. As milhas cunhadas, a que fora minha chefa durante 11 anos, professoras… entre todas foi possível estar separada, educar a duas crianças, trabalhar fora e na casa, etc.

- Consideras necessárias melhoras para a conciliaçom laboral e familiar ?
Por suposto e sobre todo para mulheres que coma mim levárom sós todo o peso de umha família.

Entrevista Teni

2010-06-24T02:02:00.000-07:00

36 anos trabalhados como limpadora. Estivo toda a sua vida laboral trabalhando fora da Galiza, na França.
- Estiveste numha ou várias empresas ao longo da tua vida laboral?

Estivem em mais de umha empresa, até 7 empresas diferentes: 5 delas do ramo da limpeza.

- Conhecias bem o tipo de contrato e as condiçons que em ele se estipulavam?

Conhecia. Lim sempre todas as condiçons, mesmo a letra pequena. Sempre gostei de ler bem tudo, já que as condiçons afectavam a umha parte importante da minha vida.

- Existiam discriminaçons laborais ou salariais com os homens que na mesma empresa trabalhavam?

Dentro da categoria de limpadora nom houvo nengum tipo de discriminaçom. Enquanto se ascendia em categorias superiores sim era possível achar diferenças e discriminaçons quer salariais, quer laborais. Todos os meus chefes de departamento, responsáveis da empresa, directivos, etc... eram quase sempre homens.

- Horários e Turmas: Compatibilidade laboral e familiar.

Estos últimos anos foi de umhas 10 horas, com umha hora para jantar e repor-te do esforço. Mas nos primeiros anos cheguei a trabalhar 14 ou 15 horas com só umha hora de descanso.
Assim faziam todas as emigrantes da Galiza ou doutros países se queriam obter uns salários que permitiram viver lá com dignidade ou encaminhar ajudas económicas às suas famílias.

- Achavas as condiçons laborais e salariais melhoráveis, entom?

Com certeza. Sempre som melhoráveis, ainda mais no nosso caso ao trabalharmos muitas horas. Mas como vínhamos dumha situaçom pior na Galiza, pensávamos que isto nom estava tam mal e queríamos tirar adiante as nossas famílias.

- Formas parte dalgum Sindicato para melhorar ditas condiçons?

Nom, nom fum sindicalista, sempre me mantivem à margem dos sindicatos. Quando tinha algum problema tentava sair de ele recorrendo pessoalmente aos meus responsáveis ou superiores para luitar por aspectos pontuais que a mim me andavam a importunar

.
- Havia riscos para a seguridade e saúde das trabalhadoras nas distintas empresas em que estiveste?
Havia riscos polos produtos tóxicos que se utilizavam, eu sofrim umha intoxicaçom forte pola que estivem ingressada no hospital e que me deixou seqüelas que ainda hoje ando a padecer.

- Tínhades contactos com os patrons ou só através dos representantes, que sempre eram homens?

Em algumhas sim, mas noutras só era através de representantes ou responsáveis como directivos de dita empresa, quer dizer, quase sempre intermediários.

Entrevista Sara

2010-05-27T01:53:00.000-07:00

- Quanto tempo levas trabalhando?

Pois quase já os cinco anos. Começei trabalhar com dezaseis anos nas férias de verám na hotelaría, ainda estudava. Assim sigo hoje, mas já nom só nas férias claro.

- É um trabalho do que gostas?

A verdade é que sim, é muito esclavo... mas tem as suas cousas possitivas, conheces gente de todos tipos, fas novas amizades. Ainda que tenho que acrescentar que nom é o que quero para o meu futuro, por isso continuo a estudar.

- É um sector bastante complexo em multidom de ocassions, algumha vez sentiches algum tipo de discriminaçom polo facto de ser mulher?

Trabalhei desde bares até taperias ou restaurantes, aí há de todo... mas o que sim é certo e que muitas vezes os homens continuam a crer que polo facto de ser mulher e estar detrás do balcom... bom que tes que aguantar de todo. Muitas vezes tes que apresentar-te com um carácter que nom é o teu.

- Estudar, trabalhar e ainda por acima na hotelaría... como compaginas todo?

Bom... pois adicando todo o dia... mas agora mesmo tenho a sorte de contar um horário laboral que me permite seguir estudando. Mas sim, pouco tempo para mim e as minhas necessidades...

- Que opinas das condiçons laborais de teu sector de trabalho?

Agora mesmo estou contenta porque estou asegurada oito horas, ainda que faga algumha de mais... mas já sabes como é a hotelaría... houvo sitios onde estava asegurada por quatro horas e trabalhava 10... e isso é o que atopas em quase todos lados... polo que estou bastante contenta com meu trabalho actual.

- Um sector também altamente feminizado. É máis fácil atopar trabalho sendo mulher?

Bastante fácil. Hoje em dia segue-se pensando que umha mulher trás o balcom "chama máis", polo que haverá maior número de clientela e maior benefício. Suponho que como professora de auto-escola a cousa nom será tam fácil, aí sim que nom sei, nom podo asegurar que vaia ter as mesmas oportunidades que os homens.

- Muitas horas de trato com pessoas de todas as idades, consideras que na juventude há diferências educacionais no relativo à igualdade?

A cousa está muito avançada que há dous ou três anos, mas que nom existe umha igualde real em trato, consideraçom, etc., disso estou segura. É máis, acho que fica muito, muito caminho por andar, que a "igualdade" que há nom chega.

- Estudas para o teu futuro e trabalhas para poder estudar, poderias manter esta situaçom vivndo soa com todo o que conleva?

Definitivamente nom. Minha mae e pai ajudam muito... ainda que a minha situaçom laboral actual é muito melhor que as anteriores, nom poderia nem pagar um aluguer. Mas isto também é devido a que as facilidades para estudar som quase zero. Tenho que pagar o curso que estou fazendo, por isso também tenho que trabalhar e nom podo adicar todo o tempo necessário à minha formaçom.

VII Certame Literário Feminista do Condado

2010-05-06T02:14:00.000-07:00

Mais um ano, de esta volta acadando a sua Sétima ediçom, sae a rua o Certame Literário Feminista do Condado publicamos a seguir as suas bases: