segunda-feira, 4 de fevereiro de 2008

PAREMOS A PERSEGUIÇOM DO ABORTO

Mais controlo à liberdade de decisom por parte das mulheres sobre o seu corpo, em definitiva sobre o direito a decidir o seu futuro, etc... é o que se agocha tras a vaga de acosso que venhem sofrendo por parte da direita mais reaccionária e conservadora tanto as mulheres que optárom por interromper umha gravidez nom desejada, como as clínicas que prestam serviço a umha demanda cada dia maior.

A culpabilidade de que se dem situaçons desta índole recai basicamente nos governantes que impedem que este tipo de intervençons sejam praticadas na sanidade pública.

A passividade do PSOE frente a esta nova perseguiçom inquisitorial constata o seu tradicional oportunismo. Só se lembra das mulheres à hora de recolher votos. Agora, com umhas eleiçons a pouco mais de um mês, Zapatero retira a máscara que o vestia a inícios da legistatura como o “partido das mulheres”... competindo com o PP à hora de ver quem é mais de direita.

Os dados estatísticos falam por sim sós e amossam umha realidade que mostra o declive da cultura católica e de um modelo familiar que começa a ser visto como obsoleto para as novas geraçons. Nom se nos escapa a responsabilidade da igreja católica com o seu discurso integrista e ultraconservador.

A máxima histórica de que se a gravidez é nossa e o aborto também tem-se que ouvir bem alto. Estamos certas de que o trabalho que desenvolvamos nos vindouros messes vai ser crucial à hora de que de umha vez por todas se saiba que queremos decidir sobre o que atinge direitamente sobre as nossas vidas como mulheres galegas e trabalhadoras.

A Assembleia de Mulheres do Condado (AMC) considera imprescindível reformar a restricta Lei do Aborto de 1985 para que todas as mulheres que o desejem podam optar pola interrupçom voluntária da gravidez na rede sanitária pública.

É necessário parar os pés à reacçom. Cumpre solidarizar-nos activamente com as clínicas abortistas e com as mulheres perseguidas.

No Condado podes assinar o manifesto de solidariedade e autoinculpaçom no Local Social Baiuca Vermelha de Ponte Areias.


Nós parimos, nós decidimos!
Avante a luita das mulheres!
Nem um passo atrás!

sexta-feira, 11 de janeiro de 2008

Parabéns

Desde a Assembleia de Mulheres do Condado queremos mostrar a nossa mais sincera solidariedade com a vizinha de Mondariz que com grande coragem logrou fugir de umha morte anunciada.
Sabemos que de nom ser pola firme decisom amossada a notícia ia ter um final muito distinto. Passaria a ser a primeira mulher assassinada em maos de um homem na Galiza de este 2008 reçem estreado.

Embora queremos manifestar a nossa denúncia pública pola falta de eficácia das leis de proteçom a mulheres vítimas de maus tratos que mais umha vez constrastadas com a realidade ficam desmascaradas, deixando bem a vista as verdadeiras intençons dos partidos políticos institucionalizados, sejam da cor que sejam, à hora de combater umha duríssima realidade que afecta em concreto à metade da populaçom que conformamos as mulheres.

Nem umha denúncia de sequestro a ponta de pistola só 20 dias antes da tentativa de assassinato puido impedir a impunidade da que gozou Roman C.G até ver frustados os seus planos homicidas pola valentia e destreza dissuassória de esta mulher.

Congratulamo-nos pois de que haja como esta mulheres-exemplo de que a melhor defesa contra o patriarcado reside em nós mesmas e que baixar a guarda acreditando nas supostas soluçons que ofertam as chamadas leis contra a violência machista nom passam de ser meros cantos de sereias.

Assembleia de Mulheres do Condado
Ponte Areias a 11 de Janerio de 2008

segunda-feira, 3 de dezembro de 2007

AMC denunciou cumplicidade da igreja católica com violência machista

Na manhá do domingo 25 de Novembro a Assembleia de Mulheres do Condado realizou umha concentraçom reivindicativa para denunciar as responsabilidades da igreja católica com a violência machista.
Mulheres da AMC concentrarom-se na praça da Igreja de Ponte Areias despregando umha faixa e colocando cinco corpos tamanho natural que representavam o número de vítimas do terrorismo machista na Galiza em 2007.
Fôrom distribuidos dúzias de manifestos à saída da missa e lançadas palavras de orde como "Vamos queimar, vamos queimar a Conferência episcopal, por machista e patriarcal", " nom é a mini-saia, nom é o pantalom, na mente do machista esta a provocaçom " e " viva a luita das mulheres" entre outras.
Posteriormente deu-se leitura ao manifesto perante mais de um centenar de pessoas que tinham participado no rito católico e simpatizantes e activistas da AMC.

quinta-feira, 22 de novembro de 2007

25 de Novembro dia contra o terrorismo machista

A Assembleia de Mulheres do Condado com motivo do 25 de Novembro levará a cabo um acto de repulsa contra o terrorismo machista este domingo às 13 h na Praça da igreja de Ponte Areias, de seguido reproduzimos na íntegra o panfleto editado.




A IGREJA CATÓLICA ALIMENTA O TERRORISMO MACHISTA

Desde há décadas o movimento feminista galego vem fazendo do 25 de Novembro (Dia contra o terrorismo machista) umha data de luita e protesto com o claro objetivo de sensibilizar a sociedade galega ante um problema que pesse a ter vítimas claras e definidas, as mulheres, afecta ao conjunto de todas as pessoas que moramos em este País.

É necessário assinalar sem medos os culpáveis de que esta terrível situaçom longe de diminuir atinja cada ano quotas superiores. Além dos governos cúmplices que temos denunciado a Igreja católica tem grande responsabilidade em que o terrorismo machista goce de boa saúde. Isto nem passou, nem passa, nem passará desapercibido para as mulheres conscienciadas com a problematica feminina da Galiza.

O catolicismo com a sua doutrina claramente patriarcal favorece o espalhamento de condutas altamente machistas.
Ponhamos alguns exemplos:

- A negaçom continuada a permitir as mulheres ser donas do seu corpo e das suas decisons. Falamos do direito ao aborto. Sendo esta umha das maiores aberraçons ao negar a mulher a possibilidade de tomar umha decisom que mais que importante é trascendental para a sua vida.

- As declaraçons em contra da liberdade sexual som mais um exemplo da furibunda homofobia por parte dos que se dizem seguidores de umha doutrina de “boa fe” com @s semelhantes. Calificando a gays e lesbianas desde desviad@s até enferm@s....

- O papel ao que delega a igreja a mulher dentro da sociedade nom é mais que confiná-la a um espaço tam reduzido como é o lar, cuidado d@s filh@s, marido e demais família. Ou seja, continuar utlizando a mulher como mao de obra gratuita. Além de afastá-la da vida pública como método para proseguir com a sua mutilaçom como ser pleno de direitos.

- As declaraçons publicas, as que por desgraça já nos tenhem acostumadas, feitas por bispos, curas, até o Papa sobre estes e outros temas que tenhem a mulher como sujeito, som deploráveis e incomprensíveis desde umha óptica já nem tam sequer progressista. Qualquer pessoa minimamente informada sobre a actual situaçom da mulher deveria rejeitar sem dilaçons.

Por último, desde a Assembleia de Mulheres do Condado, consideramos que o terrorismo machista nom so abarca a violência física, consideramos esta o degrau mais elevado, se nom que pequenas e nom tam pequenas violências diárias som as que contribuem de forma eficaz a dificultar a erradicaçom da mesma.

A Igreja católica joga um papel fundamental dentro da sociedade para a perpetuaçom e consolidaçom do patriarcado.

VIVA A LUITA DAS MULHERES!!
NENGUMHA AGRESSOM SEM RESPOSTA!!

Ponte Areias, 25 de Novembro de 2007